BAKI, AzerVoice
Barselona klubu Kamp Nou stadionuna qayıdış planını təxirə salıb.
AzerVoice xəbər verir ki, Barselona Şəhər Şurası stadionun yenidənqurmadan sonra istifadəyə verilməsi üçün tələb olunan "İlkin İstifadə İcazəsi"ni klub rəhbərliyinə təqdim etməyib.
Bu icazə olmadan Kamp Nou-da 30 min nəfərdən çox tamaşaçı ilə oyun keçirmək mümkün deyil.
Klubun stadionun yalnız bir hissəsini açmaq təklifi də rədd edilib.
Alternativ stadion olaraq keçən mövsümdə ev oyunlarının keçirildiyi Estadi Olimpic Lluis Companys nəzərdən keçirilsə də, həmin arenada avqustun 9-da keçiriləcək “Blackpink” konserti və digər tədbirlər səbəbilə bu variant da mümkün olmayıb.
“Joan Gamper” kuboku hər il mövsüm öncəsi keçirilən ənənəvi təqdimat oyunu hesab olunur. Bu ilki qarşılaşmada Barselonanın sabiq futbolçusu Sesk Fabreqas, Como klubunun baş məşqçisi kimi sabiq komandası ilə qarşılaşacaq.
Barselona klubu Johan Cruyff stadionunu qarşılaşmaya hazırlamaq üçün texniki işlərə başlayıb və azarkeşlər üçün yenilənmiş bilet planını yaxın günlərdə açıqlayacaq.
Rəsmi olaraq Kamp Nou stadionuna dönüş isə sentyabrın 13 və ya 14-də La Liqa çərçivəsində Valensiya ilə keçiriləcək oyunda mümkün olacaq. Lakin bu tarix də Barselona Şəhər Şurasından alınacaq yekun icazədən asılı olacaq.