BAKI, AzerVoice
UEFA Çempionlar Liqasının 2024–2025 mövsümünün finalında PSJ və İnter qarşı-qarşıya gələcək.
AzerVoice xəbər verir ki, yarımfinal mərhələsinin cavab oyunlarından sonra hər iki komanda rəqiblərinə qalib gələrək adlarını finala yazdırıblar.
PSJ, səfərdə İngiltərənin Arsenal klubuna qarşı ümumi 3:1 hesablı qələbə ilə irəliləyib. Fransız təmsilçisi bu nəticə ilə tarixində ikinci dəfə finala yüksəlib və hələ də ilk Çempionlar Liqası tituluna can atır.
Digər tərəfdə isə İnter doğma meydanda Barselona üzərində 4:3 hesablı dramatik qələbə ilə ümumi hesabda 7:6 üstünlük qazanaraq finala yüksəlib. Matçın taleyini əlavə vaxtda Davide Frattesi həll edib.
Bu komandalar arasındakı final qarşılaşması 31 may tarixində Alianz Arenada keçiriləcək.
Qeyd edək ki, PSJ 2019–2020 mövsümündə də finala yüksəlmiş, lakin Almaniyanın Bavariya klubuna 1:0 hesabı ilə uduzaraq titulu əldən verib.
İtalyan təmsilçisi İnter isə tarixində dördüncü dəfə Çempionlar Liqasının qalibi olmaq istəyir. Sonuncu dəfə bu uğuru 2010-cu ildə məşhur baş məşqçi Jose Mourinho rəhbərliyi altında qazanan klub, hazırda Simone Inzaghi ilə yeni bir tarix yazmaq niyyətindədir.
Həmçinin qeyd edək ki, final matçından əvvəl dünya şöhrətli rok qrupu “Linkin Park” azarkeşlər üçün xüsusi konsert proqramı ilə çıxış edəcək.
