BAKI, AzerVoice, Nailə Babazadə

Azərbaycan Din Xadimlərinin II Forumu çərçivəsində çıxış edən Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva bildirib ki, ölkəmiz dünyada müxtəlif sivilizasiyaların və milli-mədəni rəngarəngliyin bir arada yaşadığı tolerant və multikultural mühitə malikdir.

AzerVoice xəbər verir ki, Ombudsman çıxışında vurğulayıb ki, Azərbaycan vətəndaşlarının gündəlik həyatında tolerantlıq və multikulturalizm prinsipləri əsas rol oynayır və dövlət-din münasibətləri konstitusion hüquqlar əsasında tənzimlənir. Səbinə Əliyeva qeyd edib ki, ölkədə bütün dini etiqad sahiblərinin hüquqları qanun qarşısında bərabərdir və vicdan azadlığı təmin edilir.

Səbinə Əliyeva həmçinin diqqətə çatdırıb ki, Vətən müharibəsi nəticəsində əldə edilmiş Zəfərin 5-ci ildönümü ölkədə suverenliyin və ərazi bütövlüyünün bərpasını simvollaşdırır. O, Qarabağ və Şərqi Zəngəzurda məcburi köçkünlərin öz doğma yurdlarına qayıdışı və dini abidələrin bərpası ilə bağlı həyata keçirilən tədbirlərin əhəmiyyətini qeyd edib.

Ombudsman bildirib ki, işğal dövründə erməni vandalları tərəfindən məscidlər, kilsələr, sinaqoqlar və qəbiristanlıqlar dağıdılmış və minalanmışdır. Səbinə Əliyeva əlavə edib ki, Ombudsman təsisatı tərəfindən həmin faktlar aidiyyəti hesabatlarda dünya ictimaiyyətinə və dini icmalara çatdırılıb.

Çıxışında Səbinə Əliyeva vurğulayıb ki, Azərbaycan Respublikası dövlət qurumları, vətəndaş cəmiyyəti institutları və dini icmalarla əməkdaşlıq edərək insan hüquqları, dini tolerantlıq, multikulturalizm və vicdan azadlığının təbliği sahəsində davamlı maarifləndirmə tədbirləri həyata keçirir.

Ombudsman həmçinin Prezident İlham Əliyevin müdrik hərbi-diplomatik siyasəti nəticəsində regionda sülh və insan hüquqlarının inkişafı istiqamətində mühüm addımların atıldığını bildirib. Səbinə Əliyeva Forum iştirakçılarına uğurlar arzulayaraq tədbirin əhəmiyyətini vurğulayı