BAKI, AzerVoice
Səudiyyə Ərəbistanı və ABŞ müdafiə nazirləri regional təhlükəsizlik məsələlərini müzakirə ediblər
AzerVoice xəbər verir ki, Səudiyyə Ərəbistanının müdafiə naziri şahzadə Xalid bin Salman və ABŞ-ın müdafiə naziri Pit Heqset arasında keçirilən telefon danışığında regionda və dünyada təhlükəsizlik məsələləri müzakirə olunub.
Tərəflər regional hadisələr və onların həlli yolları, eyni zamanda Səudiyyə Ərəbistanı ilə ABŞ arasında müdafiə sahəsində əməkdaşlıq imkanları ətrafında fikir mübadiləsi aparıblar. Pentaqonun sözçüsü Şon Parnell bildirib ki, nazirlər ABŞ-ın Qırmızı dənizdə naviqasiya azadlığını qorumaq və Husilərin təhdid potensialını azaltmaq üçün həyata keçirdiyi əməliyyatlar barədə də danışıblar.
Qeyd edək ki, görüş zamanı iki ölkə arasında müdafiə tərəfdaşlığını genişləndirmək yolları da nəzərdən keçirilib və tərəflər sıx əlaqənin davam etdirilməsi barədə razılığa gəliblər.
