BAKI, AzerVoice, Nailə Babazadə

Qazaxıstan Prezidenti Kasım-Jomart Tokayev Fələstin Prezidenti Mahmud Abbası rəsmi səfər çərçivəsində ölkəsinə dəvət edib.

AzerVoice xəbər verir ki, Qazaxıstan Prezident Aparatının açıqlamasına görə, Tokayev paytaxt Astanada danışıqlar aparan Fələstin Prezidentinin müşaviri və Ali Məhkəmənin hakimi Mahmud Habaşı qəbul edib.

Akorda Prezident Sarayında keçirilən görüşdə Tokayev Qazaxıstan və Fələstin arasında münasibətlərin dostluq, qarşılıqlı dəstək və hörmət ruhunda inkişaf etdiyini bildirib.

Tokayev Qazaxıstanın Fələstinin beynəlxalq birliyin tamhüquqlu üzvü kimi tanınmasını dəstəklədiyini və "iki dövlət üçün iki xalq" formuluna əsaslanan Fələstin Dövlətinin yaradılmasına sadiq olduqlarını vurğuladığını bildirib.

Tokayev həmçinin Fələstin Prezidenti Abbasa rəsmi səfər çərçivəsində Qazaxıstana dəvətini çatdırıb.

Qazaxıstan və Fələstin arasında diplomatik münasibətlər 6 aprel 1992-ci ildə qurulub. 1993-cü ildə Qazaxıstanda Fələstin səfirliyi açılıb və beləliklə, Fələstin ərəb dünyasında Qazaxıstanın müstəqilliyini rəsmi olaraq tanıyan ilk ölkələrdən biri olub.