Bakı, AzerVoice
Qazaxıstanın Aktübinsk vilayətində təlim uçuşları zamanı Hərbi Hava Qüvvələrinə məxsus Mi-8 helikopteri sərt eniş edib.
AzerVoice ölkənin yerli KİV-lərinə istinadən xəbər verir ki, bu barədə Qazaxıstan Müdafiə Nazirliyi məlumat yayıb.
Məlumata görə, helikopterin göyərtəsində üç ekipaj üzvü olub. Onlardan bir nəfəri həlak olub, digər ikisi isə hərbi hospitala çatdırılıb.
İlkin məlumata görə, qəzanın səbəbi texniki nasazlıqdır. Hazırda operativ qrup tərəfindən insidentlə bağlı təhqiqat aparılır.