BAKI, Azervoice, Nərmin Ağayeva
ABŞ dövlət katibi Rubio Britaniya və Fransaya kritik çağırış edib.
Azervoice xəbər verir ki, ABŞ dövlət katibi Marko Rubio Böyük Britaniyanın xarici işlər naziri David Lammy və Fransanın xarici işlər naziri Jan-Noel Barrot ilə ayrı-ayrılıqda telefon danışığı aparıb.
Rubio britaniyalı həmkarı ilə Qəzzada humanitar böhran və atəşkəs səylərini müzakirə edib. Tərəflər həmçinin Rusiya–Ukrayna müharibəsinə son qoymaq öhdəliyini təsdiqləyiblər.
Fransanın xarici işlər naziri Barrot ilə söhbətdə isə İranın nüvə silahına sahib olmasının qarşısının alınması əsas mövzu olub. Nazirler həmçinin Qəzzada atəşkəsin əldə olunması, Rusiya–Ukrayna müharibəsi, Azərbaycan və Ermənistan arasında sülh prosesi və Sudandakı münaqişəni müzakirə ediblər.
Qeyd edək ki, ABŞ Dövlət Departamenti sözügedən telefon danışıqlarının beynəlxalq əməkdaşlığın gücləndirilməsi və regional sabitlik səylərinə töhfə verəcəyini açıqlayıb.
