BAKI, AzerVoice
Qafqazdakı inkişafları yaxından izləyirik, Azərbaycan-Ermənistan barışı Türk dünyası üçün yeni imkanlar yaradacaq.
AzerVoice xəbər verir ki, bu sözləri Rəcəb Tayyib Ərdoğan, Türk Dövlətləri Təşkilatının (TDT) Macarıstanda keçirilən qeyri-rəsmi zirvə toplantısı zamanı səsləndirib.
O, Azərbaycan ilə Ermənistan arasında sülh sazişi istiqamətində əldə olunan razılaşmanı məmnuniyyətlə qarşıladıqlarını bəyan edib.
Ərdoğanın sözlərinə görə, iki ölkə arasında qalıcı sülhün təmin olunması, təkcə regional sabitlik deyil, Türk dünyası üçün də yeni imkanların açılması demək olacaq.
Azərbaycan və Ermənistan arasında davam edən normallaşma prosesi, diplomatik əlaqələrin qurulması baxımından regionda mühüm dönüş nöqtəsi hesab edilir. Türkiyə, bu prosesdə sülh və əməkdaşlıq prinsiplərinə əsaslanan fəal mövqeyini davam etdirir.