Bakı,VOA
Özbəkistan Respublikasının Prezidenti Şavkat Mirziyoyevin dəvəti ilə Monqolustan Prezidenti Uxnaaqiyn Xurelsux iyunun 23-26-da Özbəkistana rəsmi səfər edəcək.
VOA xəbər verir ki, görüşdə Özbəkistan-Monqolustan əməkdaşlıq əlaqələrinin daha da genişləndirilməsi və möhkəmləndirilməsi məsələləri müzakirə olunacaq.
Həmçinin görüşdə ikitərəfli ticarət həcminin artırılması, mədənçıxarma, kənd təsərrüfatı, heyvandarlıq, səhiyyə, nəqliyyat, logistika və digər sahələrdə əməkdaşlıq layihələrinin həyata keçirilməsi planlaşdırılır.
Dövlət səfəri çərçivəsində prezidentlərin iki ölkənin aparıcı şirkətlərinin nümayəndələri ilə görüşü və bir sıra ikitərəfli tədbirlərin keçirilməsi gözlənilir.
