BAKI, AzerVoice
Bu gün Günəşdə X sinfinə yaxın güclü partlayış baş verib.
AzerVoice xəbər verir ki, bu barədə Rusiya Tətbiqi Geofizika İnstitutundan məlumat verilib.
Məlumata görə, Günəşin ləkələr qrupunda rentgen diapazonunda M9.0 sinifində (S14E73 koordinatında) partlayış qeydə alınıb. Partlayış 28 dəqiqə davam edib.
Bundan əlavə, bu gün daha iki M sinifli və bir X sinifli partlayış baş verib.
Qeyd edək ki, Günəş partlayışları rentgen şüalanmasının gücünə görə A, B, C, M və X olmaqla beş sinfə bölünür. A0.0 sinfi Yer orbitində kvadrat metrə düşən 10 nanovat gücündə şüalanmaya uyğun gəlir. Hər növbəti sinfə keçid zamanı bu güc 10 dəfə artır. Bu cür partlayışlar adətən Günəş plazmasının atılması ilə müşayiət olunur və həmin plazma buludları Yerə çatdıqda maqnit qasırğalarına səbəb ola bilər.