BAKI,AzerVoice, Fərid Mikayılov
İraq Kürdüstan Demokrat Partiyasının (KDP) sədri Məsud Bərzani Türkiyədə aparılan sülh prosesinə dəstək verəcəklərini və bunun üçün bütün imkanlarını səfərbər edəcəklərini bəyan edib.
AzerVoice xəbər verir ki, Bərzani, ABŞ və beynəlxalq koalisiyanın 2025-ci ilin sonuna qədər İraqdan çəkilməsinin bölgədə ciddi təhlükələr yaradacağını bildirib.
Onun sözlərinə görə, belə bir halda İŞİD-in yenidən canlanması qaçılmazdır.
“Şübhəsiz, ABŞ və koalisiya qüvvələrinin çəkilməsi ilə 2012-ci ildəki ssenari təkrarlanar və İŞİD yenidən güclənər”- deyə o bildirib.
Bərzani Türkiyədəki sülh prosesinə xüsusi dəstəyini vurğulayıb.
“Bu dəfəki proses fərqlidir. Sülh hökumət, parlament və ictimaiyyət tərəfindən aparılır. Türkiyədə hər kəsin bu prosesi dəstəklədiyini görürük. Biz də bütün güclərimizi səfərbər edəcəyik”- deyə Bərzani vurğulayıb