BAKI, AzerVoice , Fərid Mikayılov
İran İslam İnqilabının Ali Lideri Ayətullah Seyid Əli Xamenei Qəzzada davam edən qətliamlarla bağlı sərt açıqlama verib.
AzerVoice xəbərr verir ki, o, İsrail rejimini “dünyanın ən çox nifrət edilən rejimi” adlandıraraq, həm xalqların, həm də hökumətlərin bu siyasətə qarşı çıxdığını bildirib.
“Bu gün sionist rejim dünyanın ən çox nifrət edilən rejimidir. Xalqlar onlardan iyrənir, hökumətlər də onları qınayır”- deyə o bildirib.
Xameneinin bu açıqlaması onun rəsmi “X” sosial şəbəkəsində ivrit dilində paylaşılaraq ictimaiyyətə təqdim olunub. Paylaşımda Qəzzada israilli qüvvələrin həyata keçirdiyi soyqırımı və fələstinlilərin aclıq şəraitində yaşadığı anları əks etdirən video da yer alıb.
Ali Lider İsrailin Qəzzada uşaqları aclıq və bombardmanla qətlə yetirməsini “tarixdə görünməmiş qəddarlıq” kimi qiymətləndirib.
O, Qərb ölkələrinin sadəcə şifahi qınamalarının kifayət etmədiyini bildirərək, beynəlxalq ictimaiyyəti sionist rejimə bütün dəstəyin kəsilməsi üçün konkret addımlar atmağa çağırıb.
