BAKI, AzerVoice, Nərmin Ağayeva
ABŞ prezidenti Donald Tramp polis və hərbçilərlə birlikdə Vaşinqtonun küçələrində patrul gəzəcəyini açıqlayıb.
AzerVoice xəbər verir ki, bu açıqlama, paytaxta Milli Qvardiya qoşunlarının yeridilməsindən sonra verilib, Trump radio verilişində, “Bu gecə polislə və əlbəttə ki, hərbçilərlə birlikdə olacağımı düşünürəm” - deyə bildirib. Ağ Ev rəsmisi isə Trampın planlarının təfərrüatlarının tezliklə açıqlanacağını bildirib.
Tramp minlərlə Milli Qvardiya və federal agenti şiddətli cinayət dalğasını əsas gətirərək paytaxta yerləşdirib, lakin şəhər rəsmiləri federal və şəhər statistikasına istinad edərək zorakı cinayətlərin 2023-cü ildən bəri əhəmiyyətli dərəcədə azaldığını bildiriblər.
Vitse-prezident J.D. Vans və müdafiə naziri Pete Hegseth isə çərşənbə günü Union Station-da əsgərlərə baş çəkib; həmin vaxt etirazçılar oraya toplaşaraq şüarlar səsləndirib və istehzalı şərhlər veriblər.