BAKI, AzerVoice, Nərmin Ağayeva
Əfqanıstanda miqrantları daşıyan avtobusun qəza nəticəsində yanması səbəbindən 71 nəfər ölüb.
AzerVoice xəbər verir ki, Əfqanıstanın qərbində, Herat vilayətində İrandan deportasiya edilən miqrantları daşıyan sərnişin avtobusu yük maşını və motosikletlə toqquşduqdan sonra alovlanıb.
Hadisə nəticəsində 71 nəfər həlak olub, onlardan 17-si uşaqdır.
Herat əyalət polisi bildirir ki, qəza avtobusun həddindən artıq sürəti və sürücünün səhlənkarlığı səbəbindən baş verib.
