BAKI, AzerVoice, Nərmin Ağayeva
Rusiyanın təhlükəsizliyi olmadan Ukrayna üçün heç bir həll yolu olmayacaq.
AzerVoice xəbər verir ki, Rusiya xarici işlər naziri Sergey Lavrov Avropa liderlərinin Rusiyanın təhlükəsizlik maraqlarına məhəl qoymadığını bildirərək, Ukraynada yaşayan rus və rusdilli xalqların hüquqlarına hörmət edilmədən uzunmüddətli razılaşmaların mümkün olmayacağını vurğulayıb.
Lavrov müsahibəsində NATO-nun şərqə doğru genişlənməsini və Avropa liderlərinin Rusiyaya qarşı sanksiya siyasətini Ukrayna böhranının əsas səbəbləri kimi qiymətləndirib. O, həmçinin Rusiya təhlükəsizliyinin təmin olunmasının sülh danışıqlarının prioritet şərti olduğunu qeyd edib.
Qeyd edək ki, Lavrov hər hansı müzakirə formatını istisna etmədiyini və mərhələli danışıqların sammitlərə hazırlıq məqsədilə keçirildiyini bildirib.