BAKI, AzerVoice, Səməd Əyyubov
ABŞ prezidenti Donald Tramp bəyan edib ki, Avropa Ukraynaya təhlükəsizlik təminatları verməyə hazırdır.
AzerVoice xəbər verir ki, Tramp bu barədə Ağ Evdə Ukrayna prezidenti Volodimir Zelenski ilə görüşdən əvvəl jurnalistlərin suallarını cavablandırarkən danışıb.
Trampın sözlərinə görə, bu məsələdə ABŞ da dəstək göstərəcək, lakin yardımın konkret forması hələ açıqlanmayıb.
“Hazırda başqa otaqda bizi Avropanın ən nüfuzlu liderləri gözləyirlər. Onlar Ukraynaya müdafiə təmin etməkdə qərarlıdırlar. Biz də bu prosesdə onlara kömək edəcəyik”, – deyə ABŞ prezidenti qeyd edib.
Qeyd edək ki, Ağ Evdə ABŞ prezidenti Donald Tramp ilə Ukrayna prezidenti Volodimir Zelenski arasında görüş keçirilib. Görüşdə ABŞ-ın vitse-prezidenti Cey Di Vens, xüsusi elçi Stiv Uitkoff və dövlət katibi Marko Rubio da iştirak ediblər.
