"Heyət Təhrir Əş-Şam" ABŞ-nin terror təşkilatları siyahısından çıxarılıb

BAKI, AzerVoice

ABŞ Dövlət Departamentinin rəsmi qərarına əsasən, Suriyadakı “Heyət Təhrir əş-Şam” (HTŞ) təşkilatı artıq “Yad terror təşkilatları (FTO)” siyahısından çıxarılıb.

AzerVoice xəbər verir ki, bu barədə məlumat ABŞ Dövlət katibi Marko Rubionun imzası ilə rəsmi qəzetdə dərc olunub.

Qərarda qeyd olunub ki, HTŞ-nin “Ən-Nusra Cəbhəsi” adı ilə tanınmasına və ABŞ-ın Köç və Vətəndaşlıq Qanununun 219-cu maddəsi əsasında terror təşkilatı kimi tanınmasına dair əvvəlki qərar ləğv edilir. Bu dəyişikliklər ABŞ Ədliyyə və Maliyyə nazirlikləri ilə aparılan məsləhətləşmələrdən sonra qəbul olunub.

Xatırladaq ki, ötən ay ABŞ Prezidenti Donald Tramp Suriyaya tətbiq olunan iqtisadi sanksiyaların ləğvi ilə bağlı fərman imzalayıb.