BAKI,
AzerVoice
İranda SEPAH və Silahlı Qüvvələrə yeni rəhbərlər təyin olunub.
AzerVoice xəbər verir ki,İsrailin hava
hücumları nəticəsində yüksək rütbəli komandirlərin həlak olmasından
sonra İranın ali rəhbəri Ayətullah Seyid Əli Xamenei yeni hərbi
təyinatlar həyata keçirib.
General Məhəmməd Bakpur İslam İnqilabı Keşikçiləri Korpusunun (SEPAH) yeni baş komandanı təyin edilib. O, zərbələr nəticəsində həlak olan general Hüseyn Salamini əvəzləyib. Bundan əlavə, general Əbdürrəhim Musəvi İran Silahlı Qüvvələrinin Baş Qərargah rəisi vəzifəsinə təyin olunub. O, hücumda həyatını itirən general Məhəmməd Baqerinin yerinə gətirilib.
Qeyd edək ki, bugün səhər saatlarında İsrailin İranın müxtəlif vilayətlərinə həyata keçirdiyi hava hücumları nəticəsində SEPAH və Silahlı Qüvvələrin bir neçə yüksək rütbəli komandanı həlak olub. Bu hücumlar regionda gərginliyi daha da artırıb.
