BAKI, AzerVoice
ABŞ Prezidenti Donald Tramp iyunun 24–26-da Hollandiyanın Haaqa şəhərində keçiriləcək NATO Sammitində iştirak edəcək.
AzerVoice xəbər verir ki, bu barədə Ağ
Evin sözçüsü Karolin Leavitt mətbuat konfransında açıqlama
verib.
Onun sözlərinə görə, prezident Tramp sammit çərçivəsində
keçiriləcək tədbirlərdə yer alacaq və NATO müttəfiqləri ilə bir
sıra görüşlər planlaşdırılır.
Bununla yanaşı, Leavitt bildirib ki, ABŞ Ticarət Nümayəndəliyi Ofisi (USTR) ticarət tərəfdaşlarına tariflər üzrə razılaşmaların əldə olunması üçün son müddətin yaxınlaşdığını xatırlatmaq məqsədilə məktub göndərib. Məktubda digər ölkələrdən təkliflərini təqdim etmələri istənilib.
Leavitt məktubun məzmununu təsdiqləyərək, "USTR bu sənədi tərəfdaşlara son tarix barədə xəbərdarlıq etmək məqsədilə göndərib," - deyə əlavə edib.
O, həmçinin ABŞ Maliyyə naziri Skott Bessent, Ticarət naziri Hovard Lutnik və Ticarət nümayəndəsi Ceymison Qrierin bir çox mühüm ticarət tərəfdaşları ilə görüşlər keçirdiyini, Qrierin isə hazırda Parisdə danışıqlar apardığını və əldə olunan razılaşmaların yaxın günlərdə açıqlanacağını qeyd edib.
