BAKI, AzerVoice
ABŞ Prezidenti Donald Tramp Rusiya Prezidenti Vladimir Putin və Ukrayna Prezidenti Volodimir Zelenski ilə mümkün görüşə hazırdır, lakin Moskva ilə Kiyev arasında sülh üçün iki tərəfli danışıqları üstün tutur.
AzerVoice xəbər verir ki, bu barədə ABŞ Prezidenti Trampın mətbuat katibi Kerolayn Livitt açıqlama verib.
“Prezident [Donald Tramp] daha əvvəl də bildirib ki, əgər bu (mümkün görüş - red.) baş verərsə, açıqdır. Amma o, bu iki liderin – hər iki tərəfin birlikdə masa arxasına əyləşməsini istəyir. Prezident Trampın çağırışı ilə bu gün onların belə etdiyini gördük” - deyə, Livitt bildirib.
Trampın bugün İstanbulda keçirilən Rusiya-Ukrayna danışıqları ilə bağlı hər hansı şərh verib-verməyəcəyi ilə bağlı suala isə Livitt belə cavab verib: “Prezidentin bu danışıqlarla bağlı hansı hissləri olduğu və orada nələrin baş verdiyi barədə danışmağı özünə buraxıram.”
