BAKI, AzerVoice
Yunanıstanın Korinf körfəzində 4,8 bal gücündə zəlzələ baş verib.
AzerVoice xəbər verir ki, yerli vaxtla
saat 03:06-da Yunanıstanın Korinf körfəzində 4,8 bal gücündə
zəlzələ qeydə alınıb.
Zəlzələ Attika bölgəsində də hiss olunub. Afina Geodinamika
İnstitutunun açıqlamasına görə, yeraltı təkanların episentri
Qalaksidi şəhərindən 13 kilometr cənub-şərqdə, 13,5 kilometr
dərinlikdə olub.
Qeyd edək ki, Yunanıstan Zəlzələnin Planlaşdırılması və Qorunması Təşkilatının rəhbəri Efthimios Lekkas zəlzələ ilə bağlı hər hansı ciddi problemin qeydə alınmadığını bildirib. O, bölgənin yüksək seysmik risk daşıdığını da vurğulayıb.