BAKI, AzerVoice
NATO-nun ikinci ən güclü ordusuyuq, sülh danışıqlar yolu ilə mümkündür.
AzerVoice xəbər verir ki, Türkiyənin xarici işlər naziri Hakan Fidan Antalyada keçirilən NATO Xarici İşlər Nazirləri Zirvəsində çıxışı zamanı Rusiya-Ukrayna müharibəsinə dair optimist açıqlamalar verib.
Nazir bildirib ki, danışıqlar yolu ilə ədalətli və davamlı sülh
mümkündür.
“İnşallah, Rusiya ilə Ukrayna arasında davamlı sülh əldə olunacaq.
Avropanın təhlükəsizliyini NATO-dan ayrı düşünmək mümkün deyil.
NATO-nun ikinci ən güclü ordusuna sahib olan Türkiyə bu prosesdə
mühüm rol oynayır” - deyə o bildirib.
Fidan həmçinin qeyd edib ki, Türkiyə üçün Suriyanın sabitliyi də
prioritet məsələlər sırasındadır.
Qeyd edək ki, İstanbulda bu gün keçiriləcək Rusiya-Ukrayna
danışıqlarında hər iki tərəfin sülh əldə olunması üçün öz
şərtlərini təqdim etməsi gözlənilir. ABŞ prezidenti Donald Tramp da
“əgər münasib olarsa, sabah İstanbula gələ bilərəm” deyə açıqlama
verib.