BAKI, AzerVoice
Ukrayna və ABŞ nümayəndələri arasında imzalanmış faydalı qazıntılara dair saziş ratifikasiya üçün Ali Radaya göndəriləcək.
AzerVoice xəbər verir ki, bu barədə Ukrayna Prezidenti Volodimir Zelenski Telegram kanalında paylaşdığı gündəlik çıxışında məlumat verib.
“Saziş imzalanıb və ratifikasiya üçün Ali Radaya göndəriləcək. İstəyirik ki, bu sazişlə bağlı heç bir gecikmə olmasın. Bu gün bu sazişin ratifikasiyası barədə Ali Rada sədri Ruslan Stefançukla danışdım” – deyə, Zelenski bildirib.
Bundan əvvəl Ali Radanın deputatı Yaroslav Jeleznyak sazişin mətnini təhlil etdikdən sonra bildirmişdi ki, bu sənəd Vaşinqton və Kiyev arasında imzalanmalı olan üç sənəddən yalnız birincisidir. İkinci sənəddə isə yaradılacaq fondun formalaşması, fəaliyyəti və səlahiyyətləri ilə bağlı əsas müddəalar yer alacaq. Lakin deputat qeyd edib ki, bu sənəd yalnız aprelin 30-da imzalanmış sazişin ratifikasiyasından sonra imzalana bilər.
