Bakı. AzerVoice:

Tam müstəqil Fələstin dövlətinin qurulmasını dəstəkləyirik

AzerVoice xəbər verir ki, Çin lideri Si Cinpin bu barədə Çin-Ərəb ölkələri Əməkdaşlıq Forumunun 10-cu Nazirlər Konfransında çıxış edərkən danışıb. O, "Tam müstəqil Fələstin dövlətinin qurulmasını dəstəkləyirik" deyərək, Qaçqınlara Yardım Agentliyinə 3 milyon dollar bağışlayacaqlarını bildirib. O, həmçinin Fələstinin BMT-yə tamhüquqlu üzvlük tələbinin yerinə yetirilməsini gözlədiyini bildirib.

Onun gündəmində İsrailin Qəzzaya hücumları olub.

“Qəzzəyə qarşı hücumlar sonsuza qədər davam edə bilməz” deyən Cinpin, iki dövlətli həll yolunu vurğulayıb.

Çin prezidenti bəyan edib ki, ölkəsi Qəzzaya təcili humanitar yardım çərçivəsində Birləşmiş Millətlər Təşkilatının Yaxın Şərqdəki Fələstinli Qaçqınlara Yardım və İşlər üzrə Agentliyinə 3 milyon dollar bağışlayacaq.

O, həmçinin bəyan edib ki, Çin tam suverenliyə malik müstəqil Fələstin dövlətinin yaradılmasını və fələstinlilərin Birləşmiş Millətlər Təşkilatına tamhüquqlu üzv olmaq tələblərini dəstəkləyir.

İsrail ordusunun 7 oktyabr 2023-cü il tarixindən etibarən Qəzza zolağına həyata keçirdiyi hücumlarda ölənlərin sayı son 24 saatda 75 nəfər artaraq 36 min 171-ə çatıb. İsrail ordusunun son 24 saat ərzində Qəzzanın müxtəlif bölgələrində hücumlarda daha 75 fələstinlinin həyatını itirdiyi, 284 fələstinlinin isə yaralandığı bildirilib.

Qeyd edək ki, Qəzzanın Səhiyyə Nazirliyi bildirir ki, Qəzzada 36 mindən çox fələstinli öldürülüb və 2,3 milyon əhalisinin əksəriyyəti evlərini tərk etmək məcburiyyətində qalıb.