Bakı, AzerVoice
Fransa xarici işlər nazirliyi İsrail ordusunun Suriya ərazilərindən geri çəkilməli olduğunu bildirib.
AzerVoice xəbər verir ki, bu haqda Fransa Xarici İşlər Nazirliyinin verdiyi açıqlamada deyilir.
Aşıqlamada, Suriyanın ərazi bütövlüyünə və suverenliyinə hörmət edilməsinin zəruriliyi qeyd olunub.
Bundan əlavə, nazirlik İsrailin tampon zonaya girməsini rədd etdiyini bildirib.
Qeyd edək ki, daha öncə İsrailin baş naziri Benyamin Netanyahu İsrail ordusunun Suriyanın cənubundakı mövqelərini qoruyacağını və bölgədə daimi qalacağını bir daha vurğulamışdı.
"İsrail ordusu Suriyadakı Hermon dağının (Cəbəl əl-Şeyx) zirvəsində qalacaq. Biz bölgəyə bitişik tampon zonada da mövcudluğumuzu davam etdirəcəyik. Suriyanın Dəməşqə qədər irəliləməsinə imkan verməyəcəyik." - deyə o bildirib.
