Bakı,AzerVoice

ABŞ-ın Yaxın Şərq üzrə elçisi Steve Witkoff bildirib ki, keçmiş prezident Donald Trampın Qəzza ilə bağlı planı fələstinliləri məcburi köçürmək məqsədi daşımır.

AzerVoice xəbər verir ki, Witkoff Mayamidə keçirilən Gələcək İnvestisiya Təşəbbüsü (FII) konfransında çıxışı zamanı Trampın bu planla fələstinlilər üçün daha yaxşı gələcək qurmağa çalışdığını vurğulayıb.

O qeyd edib ki, Tramp insanların məsələyə məntiqlə yanaşmasını və fələstinlilər üçün ən uyğun həll yolunu tapmasını istəyir.

Xatırladaq ki, dünən səhər HƏMAS-ın hərbi qanadı Qəssam Briqadaları, 7 oktyabr 2023-cü il hücumundan sonra Qəzzada ələ keçirilən və sonradan öldürülən dörd israilli məhbusun cəsədini İsrailə təhvil verib.

İsrail hakimiyyəti cəsədlərin təhvil verilməsini dramatik şəkildə təqdim etməyə çalışıb. Cəsədlər üzərində baş nazir Benyamin Netanyahunun şəkli olan qara parçaya bükülmüş tabutlara yerləşdirilib. Tabutların üzərində isə ərəb və ivrit dillərində “Hərbi cinayətkar Netanyahu və nasist ordusu tərəfindən sioniabşst döyüş təyyarələrinin raketləri ilə öldürülüb” sözləri yazılıb.

İsraildə hadisə ilə bağlı böyük ictimai etiraz dalğası yaranıb. Sosial şəbəkələrdə fəallar Netanyahu və hökuməti bu faciəyə görə günahlandırıb. Təl-Əvivdə siyasi mənbələr qeyd edirlər ki, məsələ tamamilə Netanyahuya həvalə edilsəydi, danışıqlar uzana bilərdi.