BAKI, AzerVoice
Netanyahu qətliam törədərək öz şəxsi vəziyyətini xilas etməyə çalışır.
AzerVoice xəbər verir ki, bu barədə Türkiyənin Ədalət və İnkişaf Partiyasının (AKP) sözçüsü Ömər Çelikin verdiyi açıqlamada bildirilib.
"Qəzzada baş verən soyqırım, təəssüf ki, hər keçən gün daha çox uşaq ölümü, daha çox qadın ölümü ilə nəticələnir. Bu gün mediada yer alan xəbərlərdən biri də var idi ki, bu qətliam şəbəkəsinin başçısı Binyamin Netanyahunun korrupsiyadan çarpaz istintaqa çəkildiyi ilə bağlı idi. Mətbuatda dərc olunan xəbərlərdə Netanyahunun bu korrupsiya ilə bağlı təxminən 1788 dəfə yansıyan rəqəmlərə "bilmirəm" və "xatırlamıram" deməsi qeyd olunur. Yəni öz ölkəsində ağır şəkildə hər cür saxtakarlıqdan, korrupsiyadan mühakimə olunan biri, əslində insan öldürərək, qətliam törədərək və soyqırım siyasətinə imza ataraq şəxsi vəziyyətini xilas etməyə çalışır.
Təəssüf ki, dünya da buna baxır. Amma nəhayət, dəfələrlə görüldüyü kimi, bu soyqırım şəbəkəsi Qəzza xalqı qarşısında məğlub olacaq. Və bu şəbəkə nəhayət beynəlxalq məhkəmələrdə mühakimə olunacaq" - deyə, Çelik bildirib.
Çelik həmçinin Qurban bayramı ərəfəsində Qəzzada münaqişənin
davam etdirilməməli olduğunu qeyd edib.
"Bu gün Qərbdə bir ölkədə bir tələbə, bir sənətçi və ya müxtəlif
yerlərdə iştirak edən insanlar Fələstin bayrağı qaldırırlar. Və
maraqlı bir ifadə istifadə edirlər. Onlar deyirlər ki, bunu hər
hansı bir dövlətin bayrağı kimi düşünməyin. Bu bayraq, Hazırda
dünyada dirənişi ortaya qoyan xalqın bayrağıdır. Ona görə də bu
bayraq insanlığı təmsil edir deyirlər. Təbii ki, Qurban Bayramına
girərkən, bu soyqırımın davam etməsi bizi çox kədərləndirir" -
deyə, o bildirib.
