BAKI, AzerVoice
Türkiyə ilə Fələstin və Ukrayna məsələsində ortaq yanaşmamız var.
AzerVoice xəbər verir ki, Rusiyanın xarici işlər naziri Sergey Lavrov və Türkiyənin xarici işlər naziri Hakan Fidanın Moskvada keçirdiyi birgə mətbuat konfransında gündəmdəki regional və beynəlxalq mövzular müzakirə olunub.
Nazir Fidan Fələstin məsələsində Moskva ilə ortaq mövqelərinin olduğunu vurğulayaraq, “Qəzza və İordan çayının qərb sahilində baş verənlər qəbuledilməzdir”, – deyə bildirib. Sergey Lavrov isə Ukrayna ilə danışıqların ikinci mərhələsi üçün yenidən Türkiyənin vasitəçiliyinə ehtiyac duya biləcəklərini qeyd edib.
Lavrovun çıxışında diqqət çəkən əsas məqamlar bunlar olub:
Ukrayna ilə mümkün sülh danışıqlarının növbəti mərhələsində Türkiyənin yenidən vasitəçi ola biləcəyi;
ABŞ ilə münasibətlərdə hazırda daha birbaşa və açıq dialoqun mümkünlüyü;
Rusiya-Ukrayna müharibəsinin Avropadakı sülh təşəbbüslərinə mənfi təsir göstərməsi;
Mayın 9-da elan olunmuş atəşkəsə baxmayaraq, Ukraynanın Rusiya ərazisinə hücumlarını davam etdirməsi;
Ukrayna tərəfindən enerji infrastrukturu, mülki obyektlər, məktəb və uşaq bağçalarının hədəf alınması;
Qərbin bu hücumlara göz yumması və yalnız Rusiya tərəfinin hərbi obyektləri hədəf aldığını vurğulaması.
Qeyd edək ki, Rusiya ilə Ukrayna arasında sülh danışıqları daha əvvəl Türkiyənin vasitəçiliyi ilə İstanbulda keçirilmişdi.
