BAKI, AzerVoice
PKK-nın özünü buraxması “Terrorsuz Türkiyə” yolunda mühüm dönüş nöqtəsidir
AzerVoice xəbər verir ki, Türkiyə Prezident Administrasiyasının Kommunikasiya İdarəsinin rəhbəri Fahrettin Altun, terror təşkilatı PKK-nın özünü ləğv etməsi və silah qoyması ilə bağlı açıqlama verib.
O, bu hadisəni Rəcəb Tayyib Ərdoğanın liderliyi ilə həyata keçirilən “Terrorsuz Türkiyə” prosesinin böyük uğuru kimi qiymətləndirib.
Altun bildirib ki, PKK-nın silah buraxma qərarı, bu prosesin güclənərək mühüm bir mərhələni keçdiyinin aydın göstəricisidir.
“Bu nəticəyə gəlmək üçün Türkiyə 40 ildən artıq bir dövr ərzində böyük bədəllər ödəyib, çətinliklər yaşayıb, ən əsası isə vətən uğrunda şəhidlər verib,” – deyə o qeyd edib.
Altun, “Terrorsuz Türkiyə” prosesinin sağlam və davamlı şəkildə irəliləməsi üçün bütün addımların həssaslıqla, şəffaflıqla və qətiyyətlə atılacağını söyləyib
“Qarşımızda duran məqsəd millətimizin terror, şiddət və xaosdan tamamilə uzaq olduğu, əmin-amanlıq və sabitliyin hökm sürdüyü bir gələcəyi təmin etməkdir,” – deyə Altun əlavə edib.
Qeyd edək ki, bu gün Terror təşkilatı PKK özünü ləğv etdiyini açıqlayıb.
