BAKI, AzerVoice, Səməd Əyyubov
HƏMAS liderləri İsrailin təşkil etdiyi sui-qəsddən xilas olub.
AzerVoice xəbər verir ki, bu barədə Qətərin “Əl Cəzirə” telekanalı HƏMAS mənbələrinə istinadən məlumat yayıb.
Məlumata görə, hücum zamanı HƏMAS-ın atəşkəs üzrə danışıqlar aparan heyəti iclasda olub. Bildirilib ki, nümayəndə heyəti ABŞ prezidenti Donald Trampın Qəzzada atəşkəs üçün təqdim etdiyi təklifi müzakirə edərkən hədəfə alınıb.
İsrail rəhbərliyi bundan əvvəl HƏMAS-ın xaricdəki üzvlərinə qarşı sui-qəsd həyata keçirə biləcəyi ilə bağlı xəbərdarlıq etmişdi.
İran Xarici İşlər Nazirliyi İsrailin hücumuna münasibət bildirərək bu addımı beynəlxalq hüququn pozulması kimi qiymətləndirib.
