BAKI, AzerVoice
Omanın Zufar vilayətinə bağlı Salala şəhərinin cənub-şərqində, sahildən 20 dəniz mili məsafəsində Komor adaları bayrağı altında üzən bir ticarət gəmisi batıb.
AzerVoice xəbər verir ki, bu haqqda Oman Dəniz Təhlükəsizliyi Mərkəzi məlumat yayıb.
Məlumata görə, gəmidəki 20 nəfərlik heyət yaxınlıqda olan başqa bir ticarət gəmisi tərəfindən xilas edilib. Hadisənin səbəbi barədə hələlik rəsmi açıqlama verilməyib. Heyət üzvlərinin hamısı sağdır.
Qeyd edək ki, Oman Ərəb dənizindəki strateji nəqliyyat marşrutlarından birində yerləşir və bölgədə təhlükəsiz gəmiçiliyin təmin olunması üçün daimi tədbirlər görür.
