BAKI, AzerVoice
İsrail Ordusu Qəzza zolağının mərkəzində yerləşən HƏMAS-ın komanda-idarəetmə mərkəzinə hava zərbəsi endirib.
AzerVoice xəbər verir ki, bu barədə ordunun mətbuat xidməti məlumat yayıb.
"Bir müddət əvvəl İsrail Müdafiə Ordusu Qəzzanın mərkəzində HƏMAS-ın komanda-idarəetmə mərkəzində fəaliyyət göstərən terrorçulara qarşı zərbə endirib. Həmin mərkəz terrorçular tərəfindən İsrailin mülki əhalisinə və hərbçilərinə qarşı hücumlar həyata keçirmək üçün silahların saxlanılması məqsədilə istifadə olunurdu" – deyə, məlumatda qeyd olunub.
Məlumata görə, zərbədən əvvəl mülki şəxslərə zərər dəyməməsi üçün bir sıra tədbirlər görülüb. Bunlara dəqiq idarə olunan sursatlardan istifadə, əhalinin əvvəlcədən xəbərdar edilməsi, hava müşahidəsi və əlavə kəşfiyyat məlumatlarının toplanması daxildir.