Bakı, AzerVoice
İsrail ordusu oktyabrın 7-dən bəri fələstinlilərlə qarşıdurmalarda yüzlərlə əsgərin öldüyünü, minlərlə ordu mənsubun isə əlil olduğunu bildirib.
AzerVoice xəbər verir ki, İsrailin Qəzza zolağına etdiyi amansız hücumları nəticəsində çoxu qadın və uşaq olmaqla həyatını itirən fələstinlilərin sayı gündən-günə artarkən, İsrail ordusu ölən və əlil əsgərlərinin hazırkı sayını açıqlayıb.
İsrail ordusundan verilən açıqlamada Qəzzanın cənubunda Noam Duek adlı çavuşun öldüyü bildirilib.
Duekin ölüm səbəbi ilə bağlı heç bir məlumat verilməsə də, quru hücumlarının başladığı gündən Qəzzada öldürülən İsrail əsgərlərinin sayı 327-yə yüksəlib.
Qəzza zolağına hücumların başladığı 7 oktyabr 2023-cü ildən bəri öldüyü elan edilən İsrail əsgərlərinin sayı 327-si quru işğalı prosesində olmaqla 684-ə yüksəlib.
İsrail ordusu 4199 əsgərinin yaralandığını, onlardan 1089-unun quru işğalı zamanı baş verdiyini bildirib.