Bakı, AzerVoice

İsrail oktyabrın 7-dən bu yana hücumlarını davam etdirdiyi Qəzza zolağında daha əvvəl "təhlükəsiz" elan etdiyi bölgədə "əməliyyat aparılacağını" açıqlayıb və fələstinlilərin dərhal ərazini boşaltmasını tələb edib.

AzerVoice xəbər verir ki, İsrail Ordusunun sözçüsü Aviçay Adraee sosial mediada verdiyi açıqlamada, Xan Yunus şəhərinin şərqində Qəzzanın daha əvvəl təhlükəsiz bölgə elan etdiyi bəzi yerlərdə "əməliyyat aparılacağını" bildirib və sakinlərin təxliyyəsinə çağırıb.

İsrailin "təhlükəsiz zona" olaraq elan etdiyi ərazini daraldacağını və bəzilərinə hücum edəcəyini bildirən Adraee, fələstinlilərdən "dərhal və müvəqqəti" Əl-Məvasiyə getmələrini istəyib.

Onu da deyək ki, İsrail ordusunun sözçüsü Aviçay Adraee iyulun 1-də verdiyi açıqlamada fələstinlilərdən "təhlükəsizlikləri üçün" Xan Yunis şəhərinin şərqindəki əraziləri təcili olaraq boşaltmağı tələb etmişdi.

İsrail qüvvələri Xan Yunisin şərq bölgələrində didərgin düşmüş fələstinlilərə səs yazısı göndərərək bölgənin "təhlükəli qarşıdurma zonası" olduğunu iddia edərək fələstinlilərin təxliyəsini istədi.

İsrail ordusunun 13 iyulda Qəzza zolağında Xan Yunus şəhərinin qərbində yerləşən və daha əvvəl "təhlükəsiz" olduğu iddia edilən Əl-Məvasi bölgəsində döyüş təyyarələri ilə həyata keçirdiyi şiddətli bombardman nəticəsində yarısı qadın və uşaq olmaqla 90 fələstinli həyatını itirib.