Bakı. AzerVoice:
Qəzzada törədilən qırğın və soyqırımı dayandırmaq üçün beynəlxalq hüquq kifayət deyil.
AzerVoice xəbər verir ki, bu sözləri Venesuela prezidenti Nikolas Maduro deyib.
"Hər gün törədilən bu qırğın qarşısında beynəlxalq hüquq nə edir? Niyə Qəzza əhalisini qorumur? O, yalnız ABŞ və Avropanın maraqlarını qorumaq üçün səsini ucaldır”, - deyə o vurğulayıb.
Qeyd edək ki, 29 fevral tarixində Qəzza şəhərinin cənubundakı Dovar ən-Nablusi yaxınlığında yüzlərlə fələstinli yardım gözləyərkən İsrail tərəfindən atəşə tutulub.
İsrailin 7 oktyabrdan bəri Qəzza zolağına təşkil etdiyi hücumlarda ən az 12 min 660-ı uşaq, 8 min 570-i qadın olmaqla, 30 mindən çox fələstinli həlak olub, 70 mindən çox adam isə yaralanıb.
Dağıntılar altında hələ də minlərlə ölü olduğu bildirilərkən, insanların sığındığı xəstəxana və təhsil müəssisələri hədəf alınaraq mülki infrastruktur da məhv edilir.
Qəzzada 1,9 milyon fələstinli havadan, qurudan və dənizdən edilən hücumlar səbəbilə didərgin düşüb.
İsrailin maneələri səbəbindən bölgəyə kifayət qədər yardım çatdırıla bilmir. Fələstinlilər bir tərəfdən İsrailin hücumları ilə, digər tərəfdən isə hər gün dərinləşən aclıqla mübarizə aparır.