Bakı. AzerVoice:

HƏMAS-ın təklif etdiyi məhbus mübadiləsi razılaşmasını rədd edən İsrailin ABŞ-ın təzyiqi ilə Misirə nümayəndə heyəti göndərməyə razılıq verdiyi bildirilib.

AzerVoice-un məlumatına görə, Təl-Əviv administrasiyası ilə HƏMAS arasında məhbus mübadiləsi üçün danışıqlar bu gün Qahirədə davam etdiriləcək.

Qahirədə keçiriləcək danışıqlarda iştirak edəcək nümayəndə heyətinə İsrailin Xarici Kəşfiyyat Xidmətinin Mossad rəhbəri David Barnea və Daxili Təhlükəsizlik Agentliyinin direktoru Şin-Bet (Şabak) Ronen Bar daxildir.

Yerli media HƏMAS-ın təklif etdiyi məhbus mübadiləsi razılaşmasını rədd edən İsrailin ABŞ-ın təzyiqi ilə Qahirəyə nümayəndə heyəti göndərdiyini bildirib. Sözügedən xəbərdə ABŞ prezidenti Co Baydenin fevralın 11-də telefon danışığında İsrailin baş naziri Benyamin Netanyahunu danışıqlar üçün Qahirəyə bir nümayəndə heyəti göndərməyə razı saldığı bildirilib.

Məlumat üçün bildirək ki, fevralın 7-də Parisdə keçirilən danışıqlardan sonra HƏMAS üç mərhələli məhbus mübadiləsini və atəşkəsi nəzərdə tutan plan təqdim edib. Netanyahu isə fevralın 8-də keçirdiyi mətbuat konfransında HƏMAS-ın təklifini rədd edərək orduya Qəzza zolağının cənubundakı Rəfah şəhərinə hücuma hazırlaşmağı əmr etdiklərini bildirib.

Qeyd edək ki, yanvarın 28-də Fransanın paytaxtı Parisdə İsrail və HƏMAS arasında yeni əsir mübadiləsinə dair danışıqlar çərçivəsində danışıqlar aparılıb. Görüşdə Barnea və Bardan başqa ABŞ Mərkəzi Kəşfiyyat İdarəsinin (MKİ) direktoru Uilyam Bill Burns, Qətərin baş naziri və xarici işlər naziri Məhəmməd bin Əbdürrəhman Əl Tani və Misirin kəşfiyyat direktoru Abbas Kamil iştirak ediblər.

Aytac Süleymanova

Twitter: a_alieva_