Bakı. AzerVoice:
Fransa Qəzza zolağındakı İsrailli əsirlərə fəxri vətəndaşlıq verib.
AzerVoice-nin məlumatına görə, bu barədə Paris meri Anne Hidalqo açıqlama verib.
Fransa 7 oktyabr 2023-cü il hücumunun "qurbanlarını anmaq" üçün paytaxt Parisdə keçirilən milli bayramdan bir gün sonra Qəzza zolağında 135 İsrailli əsirə fəxri vətəndaşlıq verib.
Hidalqo bu "simvolik müdafiənin" əsirlərə yerli məmurlar tərəfindən demək olar ki, yekdilliklə verildiyini və yalnız bir üzv təsdiqdən imtina etdiyini açıqlayıb.
Hidalqo əlavə edib ki, Paris şəhəri tezliklə "davamlı bombardmanlar altında ölən" fələstinli mülki vətəndaşların xatirəsini anacaq, onların öldürülməsinin "beynəlxalq hüququ və müharibə qanunlarını pozduğunu" vurğulayaraq, iki dövlətli siyasi həllə ümid etdiyini bildirib.
Qeyd edək ki, oktyabrın 7-də İsrailə hücumlar olunub. Əvvəlcə Qəzza bölgəsindən reaktiv mərmilərlə kütləvi atəş açılıb, daha sonra döyüşçülər əraziyə qurudan, havadan və sudan daxil olublar.
İsrail müharibə vəziyyəti elan edib. Bundan başqa, İsrailin müdafiə naziri Yoav Qallant ehtiyatda olan hərbçilərin kütləvi çağırışını elan edib.
Oktyabrın 7-də İsrail-Fələstin münaqişəsinin yeni mərhələsi başlayandan bəri Qəzza zolağında ölənlərin sayı 30 minə yaxınlaşıb.
Hafiz Rufizoğlu