Bakı. AzerPress:
Qazaxıstanda 4,6 maqnitudalı zəlzələ olub.
AzerPress xəbər verir ki, bu barədə Qazaxıstan Fövqəladə Hallar Nazirliyinin "SOME" MMC-nin seysmik stansiyalar şəbəkəsi məlumat yayıb.
Bildirilib ki, yeraltı təkanların episentri Almatı şəhərindən 55 km şərqdə yerləşib. Zəlzələ ocağı 10 km dərinlikdə yerləşib.
Zəlzələ Turgendə 3 baladək, Almatıda 2 baladək hiss edilib.
Xəsarət alanlar və dağıntılar barəsində məlumat daxil olmayıb.