BAKI,AzerVoice

Yuxuda səhabələrdən birini yaxşı və nurlu vəziyyətdə görmək, yuxu sahibinin sağlam əqidəyə sahib olmasına və sünnəyə uyğun yaşamasına işarədir.

Səhabələri yuxuda görmək - sevgi, qardaşlıq, yardımlaşma və xeyirxahlıq rəmzidir. Bu yuxu, həm də düşmənçilik və paxıllıq kimi mənfi hisslərdən qurtulmağa, qəlblərdəki kin və ədavətin aradan qalxmasına, yerini sevgi və mərhəmətin tutmasına dəlalət edir.

Möhtərəm səhabələri görmək eyni zamanda ruzi bolluğuna və zənginliyə işarədir. Onlar dünyada çoxlu fəthlər edib, qənimətlər əldə etmişdilər. Lakin ən böyük qənimət -təqva və iman nemətidir.

Belə bir yuxu həm də tövbəyə, Allah yolunda xeyirli işlər görməyə və bərəkətə dəlalət edir.

Məsələn:

Həzrəti Öməri yuxuda görmək -uzun ömür, fəzilət, haqqı demək cəsarəti, ədalət və doğru yoldan ayrılmamaq mənasına gəlir.

Həzrət Osmanı görmək — zühd, təqva, həya, gözəl əxlaq və fəzilət rəmzidir. Əgər Həzrət Osman yuxuda gülümsəyir və tərif edirsə, bu, dünya və axirət səadətinə işarədir.

Həzrət Əbu Bəkri gülərüz — dünya və axirət xoşbəxtliyinə, aramlığa və səadətə dəlalət edir.

Həzrət Həsən və Hüseyni yuxuda görmək — elm və hikmət qazanmağa, nüfuzlu və saleh insanlarla dostluğa, onlardan xeyir və bərəkət görməyə işarədir.

Əgər yuxuda səhabələrdən biri sizə bir şey verirsə və ya xoş sözlər söyləyirsə, bu -bolluq, bərəkət, firavanlıq və səxavət deməkdir. Çünki səhabələr mərhəmət və xeyirxahlıqda nümunə idilər.

Həzrət Fatiməni, Peyğəmbərin sevimli qızını və Cənnət qadınlarının ağasını yuxuda görmək - hər cür xeyir, bolluq, fəzilət və gözəl əxlaq rəmzidir. Onu şən və gülümsəyən görmək -rahatlıq, məmnunluq və səadətə; kədərli görmək isə qəm-qüssəyə işarədir.

Peyğəmbərimizin mübarək zövcələrindən birini yuxuda görmək -iffət, doğruluq, ailə səadəti və halal ruziyə dəlalət edir. Belə bir yuxu həm də haramdan və batildən uzaq durmaq, paklıq və imanla yaşamaq mənasındadır.