BAKI, AzerVoice
Türkiyənin Bursa vilayətinin Orhaneli və Harmancık rayonları arasında baş verən meşə yanğınının söndürülməsi istiqamətində işlər davam etdirilir.
AzerVoice xəbər verir ki, bu barədə Türkiyənin ədliyyə naziri Yılmaz Tunç açıqlama verib.
Yılmaz Tunç məsələ ilə bağlı verdiyi açıqlamada bildirib ki, aparılan istintaq çərçivəsində bir nəfər şübhəli şəxs qismində saxlanılıb. Nazir qeyd edib ki, hadisə ilə bağlı başlanılan cinayət işi tam ciddiliklə araşdırılır və hüquqi prosedurlar davam etdirilir.
Qeyd edək ki, yanğının dəqiq səbəbi hələlik məlum olmasa da, aidiyyəti qurumlar ehtimalları araşdırır və yanğının genişlənməsinin qarşısını almaq üçün əraziyə əlavə qüvvələr cəlb olunub.
Eyni zamanda, Bursa vilayətinin Gürsu və Kestel rayonları arasında baş verən meşə yanğınlarına müdaxilə edən su tankeri sürücünün idarəetməni itirməsi nəticəsində yamacdan aşıb. Hadisə nəticəsində bir nəfər ölüb.