BAKI,
AzerVoice
Türkiyədə işsizlik may ayında azalıb.
AzerVoice xəbər verir ki, Türkiyə
Statistika Təşkilatının (TÜİK) məlumatına görə, 2025-ci ilin may
ayında işsizlik səviyyəsi bir əvvəlki aya nisbətən 0,2 bənd
azalaraq 8,4 faiz olub.
İşsizlərin sayı 69 min nəfər azalaraq 2 milyon 972 min nəfərə düşüb. Kişilərdə işsizlik 6,5 faiz, qadınlarda isə 11,9 faiz olaraq qeydə alınıb. Gənclər arasında (15-24 yaş) işsizlik göstəricisi 0,3 bənd azalaraq 15,4 faizə enib. Bu yaş qrupunda kişilər üçün işsizlik 11 faiz, qadınlar üçün isə 23,5 faiz səviyyəsindədir.
Əmək və Sosial Müdafiə Naziri Vedat Işıkhan açıqlamasında bildirib ki, məşğulluğu artırmağa yönələn siyasətlər müsbət nəticələr verir. Nazirə görə, məşğulluq 100 min nəfər artaraq 32 milyon 519 min nəfərə çatıb, məşğulluq nisbəti isə 0,1 bənd artaraq 49 faiz olub.
Qeyd edək ki, Türkiyədə son 25 aydır ki, işsizlik göstəricisi təkrəqəmli olaraq davam edir. Eyni dövrdə ümumi işçi qüvvəsi 31 min nəfər artaraq 35 milyon 491 min nəfərə çatıb.
