BAKI, AzerVoice
Türkiyə Silahlı Qüvvələri İraqın şimalında keçirdiyi əməliyyat zamanı PKK terror təşkilatına məxsus mağaranı aşkarlayaraq istifadəyə yararsız hala gətirib.
AzerVoice xəbər verir ki, bu barədə Türkiyə Milli Müdafiə Nazirliyi (MSB) məlumat yayıb.
Bildirilib ki, “Pəncə-Kilid” antiterror əməliyyatı çərçivəsində həyata keçirilən axtarış-tarama tədbirləri nəticəsində terrorçuların gizləndiyi mağara müəyyən edilib.
Mağarada çox sayda silah, sursat və gündəlik yaşayış üçün istifadə olunan ləvazimatlar aşkarlanaraq məhv edilib.
“Daima millətinin xidmətində olan qəhrəman ordumuz terrorçulara qarşı mübarizəni aramsız şəkildə davam etdirir. İraqın şimalındakı əməliyyat bölgəsində PKK-nın istifadə etdiyi bir mağara aşkarlanaraq istifadədən çıxarılıb. Ərazidə aşkarlanan silah və digər materiallar zərərsizləşdirilib”- deyə nazirlikdən bildirilib.
