BAKI, AzerVoice
Türkiyədə Elazığ vilayətində yol qəzası baş verib.
AzerVoice xəbər verir ki, yerli vaxtla saat 18:02-də Elazığ-Diyarbəkir yolunda sərnişin avtobusu sürücünün sükan idarəetməsini itirməsi nəticəsində qarşı yola keçib və aşıb.
İlkin məlumatlara görə, qəza nəticəsində 25 nəfər yaralanıb.
Qəza zamanı qarşı tərəfdən başqa bir avtomobilin gəlməməsi böyük bir faciənin qarşısını alıb.
Hadisəni görən digər sürücülərin xəbər verməsi nəticəsində hadisə yerinə çoxsaylı təcili tibbi yardım, polis, jandarma və yanğınsöndürmə briqadaları cəlb olunub. Yaralılara hadisə yerində ilkin tibbi müdaxilə edilib və sonra onlar təcili yardım maşınları ilə şəhərdəki xəstəxanalara aparılaraq müalicəyə cəlb olunublar.
Hadisə yerində təhlükəsizlik tədbirləri görülüb və araşdırmalara başlanılıb. Elazığ valisi Numan Hatipoğlu da hadisə yerinə gələrək araşdırmalar aparıb.
