BAKI, AzerVoice, Fərid Mikayılov
İngiltərə millisinin hücumçusu Markus Reşford Mançester Yunayteddən ayrılmasının səbəbini açıqlayıb.
AzerVoice xəbər verir ki, yay transfer pəncərəsində Barselonaya mövsümlük icarə əsasında keçən Reşford, Ruben Amorimin rəhbərliyi altında Mançester Yunayteddə əsas heyətdə yerini itirmişdi.
O, mövsümün ikinci yarısını Aston Villada icarədə keçirsə də, Unai Emeri komandanın daimi transferinə razılıq verməmişdi. İndi isə forvard Kataloniyada yeni səhifə açmağa çalışır.
“Ən yaxşı futbolumu oynamaq üçün xoşbəxt olmalıyam. Mənim üçün futbol həyatdır, uşaqlıqdan belə olub. Barselona futbolu öyrənmək və ondan zövq almaq üçün ən yaxşı məkandır”- deyə Reşford vurğulayıb.
O əlavə edib ki, komandada özünü rahat hiss edir və hər oyunla daha çox təcrübə qazanacağına inanır.