BAKI,AzerVoice
Boks üzrə keçmiş dünya çempionu Tayson Fyuri, ukraynalı boksçu Aleksandr Usik ilə 3-cü döyüşünü keçirəcəyini açıqlayıb.
AzerVoice xəbər verir ki, bu barədə Fyuri sosial media üzərindən məlumat verib.
İndiyə qədər, Tayson Fyuri ilə Aleksandr Usik iki dəfə qarşılaşıb. Hər iki döyüşdə də Usik qalib gəlib.
38 yaşındakı ukraynalı boksçu Aleksandr Usik, Beynəlxalq Boks Assosiasiyasının (WBA), Beynəlxalq Boks Təşkilatının (WBO) və Beynəlxalq Boks Şurasının (WBC) çempionluq kəmərlərinin sahibidir.
19 iyulda o, britaniyalı boksçu Daniel Dyubua ilə ən yüksək çəkidə mütləq dünya çempionluğu uğrunda döyüşəcək.
36 yaşlı Tayson Fyuri, peşəkar karyerasında 37 döyüş keçirib və onlardan 34-də qalib gəlib.
2024-cü ilin mayında Fyuri, Usik ilə WBC çempionluq kəməri uğrunda döyüşüb və həmin döyüşdə məğlub olub. Daha sonra bu boksçular 2024-cü ilin 21 dekabrında yenidən qarşılaşıb və yenə də ukraynalı boksçu qalib gəlib.
