BAKI, AzerVoice

İngiltərənin Çelsi klubu və İspaniyanın Real Betis komandası yarımfinal mərhələsində rəqiblərini məğlub edərək UEFA Konfrans Liqasının finala yüksəlib.

AzerVoice xəbər verir ki, final oyunu 28 may Çərşənbə günü Polşanın Vrotslav şəhərindəki Vrotslav Stadionunda baş tutacaq.

İlk oyunda səfərdə İsveçin Yurgorden komandası üzərində 4-1 hesablı qələbə qazanan Çelsi, cavab görüşündə də üstünlüyünü qoruyub. London təmsilçisi Kiernan Devsbury-Hallun 38-ci dəqiqədə vurduğu qolla 1-0 hesabı ilə qalib gəldi və ümumi hesabla finala yüksəlib.

Real Betis, evdə 2-1 hesabı ilə qalib gəldiyi Fiorentina ilə cavab matçını İtaliyada keçirib. Oyunun 30-cu dəqiqəsində Antony Betisi önə keçirsə də, Fiorentina Robin Gosensin 34 və 42-ci dəqiqələrdə vurduğu qollarla matçın əsas vaxtını 2-1 hesabı ilə üstün tamamlayıb və qarşılaşma əlavə vaxta keçib.

Uzatma hissəsində Abde Ezzalzouli 97-ci dəqiqədə vurduğu qolla hesabı 2-2 edib. İki oyunun nəticəsinə görə üstünlük qazanan Real Betis finala yüksələn digər komanda oldu.