BAKI, AzerVoice
Mançester Yunayted və Tottenham yarımfinal mərhələsində rəqiblərini məğlub edərək UEFA Avropa Liqasının finala vəsiqə qazanıblar.
AzerVoice xəbər verir ki, final qarşılaşması 21 may Çərşənbə günü, İspaniyanın Bilbao şəhərində yerləşən San Mames Stadionunda keçiriləcək.
İlk oyunda səfərdə 3-0 hesabı ilə qalib gələn Mançester Yunayted, cavab görüşündə də İspaniya təmsilçisi Atletik Bilbao qarşısında üstün oyun nümayiş etdirib.
İngilis komandası Mason Mountun (72 və 90+1-ci dəqiqələr), Kasemironun (79) və Rasmus Hoylundun (85) vurduğu qollarla 4-1 hesabı ilə qalib gəlib və adını finala yazdırıb. Athletic Bilbao-nun təsəlli qolunu Mikel Jauregizar 31-ci dəqiqədə vurub.
İlk oyunda Londonda Bodo/Qlimt üzərində 3-1 hesabı ilə qalib gələn Tottenham, cavab oyununda da rəqibinə şans verməyib. Norveçdə baş tutan görüşdə İngiltərə təmsilçisi Dominik Solanke (63-cü dəqiqə) və Pedro Porronun (69) qolları ilə 2-0 qalib gələrək finala vəsiqəni təmin edib.
