BAKI,AzerVoice
Dünyanın müxtəlif ölkələrində humanitar aksiyalar həyata keçirən Al-Baraka Azərbaycan bu dəfə də Xaçmazda qurban aksiyası təşkil edib. Aksiya çərçivəsində qurbanlıq heyvanlar kəsilərək ehtiyacı olan ailələrə paylanılıb. Ümumilikdə 80 nəfərə qurban sovqatı təqdim edilib.
Al-Baraka Azərbaycan təşkilatının
nümayəndələri bildirib ki, bu aksiya ilə aztəminatlı ailələrin
bayram sevincini bölüşmək və onlara dəstək göstərmək məqsədilə
təşkil olunub.
Tədbir sonrası baram sovqatı alan ailələr Al-Baraka Azərbaycan
təmsilçilərinə təşəkkür ediblər.
Qeyd edək ki, "Al Baraka Azerbaijan"
xeyriyyə layihələrini dünyanın 13 ölkəsində həyata keçirir. 2024-cü
ildə ümumilikdə 20775 insana yardım edilib.
Qeyd edək ki, Müqəddəs Qurban bayramı bu il iyun ayının yeddisinə
tasadüf edir. Bu gün ölkənin bir çox yerlərində bayram namazı
qılınıb və eləcə də qurbanlar kəsilib.
Məlumat üçün bildirək ki, Qurban, İslam dinində Allah yolunda edilən bir ibadətdir. Qurban bayramında kəsilən heyvanların ətindən ehtiyacı olan ailələrə paylanılması ilə həm ibadət edilir, həm də yardımlaşma və paylaşma ənənəsi yaşadılır.
