Bakı, AzerVoice

“Gənclərin Maarifləndirilməsinə Dəstək” İctimai Birliyinin sədri Aynurə Ələkbərli 2 dekabr- Beynəlxalq Könüllülər Günü münasibətilə bütün könüllü gəncləri təbrik edib.

Bu barədə AzerVoice-a “Gənclərin Maarifləndirilməsinə Dəstək” İctimai Birliyinin sədri Aynurə Ələkbərli müsahibə verib.

“Prezident İlham Əliyevin gənclər siyasətinin bir hissəsi olaraq könüllülük fəaliyyətlərinin təşviqi, gənclərin sosial məsuliyyət və liderlik bacarıqlarının artırılması istiqamətində atdığı addımlar, cəmiyyətin inkişafı üçün mühüm əhəmiyyət kəsb edir.

Prezidentimiz, gənclərin cəmiyyətdə fəal iştirakını dəstəkləyərək, könüllülük fəaliyyətlərini və bu sahədəki təşəbbüsləri davamlı şəkildə təşviq edir. Gənclər sektorunda həyata keçirilən islahatlar, gənclərin şəxsi və peşəkar inkişafı üçün müxtəlif imkanlar yaradır. Bunun nəticəsi olaraq, ölkəmizdə könüllülük hərəkatı sürətlə inkişaf edir və bu sahədə olan gənclərin sayı artmaqdadır.

“Gənclərin Maarifləndirilməsinə Dəstək” İctimai Birliyi, könüllülüyü cəmiyyətin hər bir sahəsində təşviq edərək, gənclərin sosial və humanitar fəaliyyətlərdə iştirak etməsini təmin edir. Bu gün gənclər, yalnız öz inkişafları üçün deyil, həm də cəmiyyətin müxtəlif problemlərinə həllər tapmaq və daha yaxşı bir gələcək qurmaq üçün könüllü olaraq müxtəlif layihələrdə fəal iştirak edirlər. Bu cür fəaliyyətlər, cəmiyyətin inkişafına xidmət etməklə yanaşı, gənclərin məsuliyyətli və şəxsiyyətli vətəndaşlar kimi yetişmələrinə də imkan yaradır.

Könüllülük hərəkatının güclənməsi, həm də gənclərin sosial, mədəni, təhsil və digər sahələrdəki inkişafını dəstəkləyir. "Gənclərin Maarifləndirilməsinə Dəstək" İctimai Birliyi, könüllülərin gənclər sektorunda daşıdığı rolu artırmaq üçün müxtəlif təşəbbüslər həyata keçirir. Eyni zamanda, bu fəaliyyətlər gənclərə liderlik və təşəbbüskarlıq bacarıqları qazandıraraq, onların daha məsuliyyətli və vətənpərvər fərdlər kimi formalaşmalarına şərait yaradır.

Beynəlxalq Könüllülər Günü münasibətilə, "Gənclərin Maarifləndirilməsinə Dəstək" İctimai Birliyi olaraq, respublikamızda könüllülük hərəkatının inkişafını davam etdirmək və gənclərin bu sahədəki rolunu daha da gücləndirmək məqsədilə bir sıra tədbirlər və layihələr həyata keçiririk və keçirməyə davam edəcəyik.”