BAKI, AzerVoice
Azərbaycan Respublikasının xarici işlər naziri Ceyhun Bayramov Bağdadda İraq Respublikasının Prezidenti Əbdüllətif Camal Rəşid ilə görüşüb.
AzerVoice xəbər verir ki, bu barədə Azərbaycan XİN-in sosial şəbəkə hesabında paylaşım edilib.
Bildirilib ki, görüşdə Azərbaycanla İraq arasında dostluq və əməkdaşlığın hazırkı səviyyəsindən məmnunluq ifadə olunub. Görüşdə ikitərəfli münasibətlərin, o cümlədən, ticarət, investisiya, enerji, turizm və qarşılıqlı maraq doğuran digər sahələrdə əlaqələrin inkişafına dair fikir mübadiləsi aparılıb.
BMT, Qoşulmama Hərəkatı, İslam Əməkdaşlıq Təşkilatı (İƏT) və Asiyada Qarşılıqlı Fəaliyyət və Etimad Tədbirləri üzrə Konfrans (CICA) kimi çoxtərəfli platformalar çərçivəsində əməkdaşlığın gücləndirilməsi vurğulanıb.
Nazir Ceyhun Bayramov regionun münaqişədən sonrakı bərpa səyləri və sülh proqramı haqqında da ətraflı məlumat verib.
Hər iki tərəf qarşılıqlı hörmət və ortaq dəyərlərə əsaslanan tərəfdaşlığın dərinləşdirilməsinin vacibliyini bir daha təsdiqləyib.
